انڈین ویلس ۔ 8 مارچ (سیاست ڈاٹ کام) عالمی نمبر ایک سربیائی ٹینس اسٹار نواک جوکووچ انڈین ویلس ٹورنمنٹ میں واپسی کررہے ہیں جبکہ گذشتہ برس انہیں حیران کن طور پر کوالیفائر کھلاڑی تارو ڈینیل کے خلاف شکست برداشت کرنی پڑی تھی۔ جوکووچ کے ہمراہ اس ٹورنمنٹ میں سابق عالمی نمبر ایک رافل نڈال جنہیں جوکووچ نے جنوری میں آسٹریلین اوپن کے فائنل میں شکست دی، 20 گرانڈ سلام خطابات حاصل کرنے والے فیڈرر بھی میدان میں موجود ہیں۔ جوکووچ اس مرتبہ یہاں ریکارڈ چھٹا خطاب حاصل کرنے کے خواہاں ہے جیسا کہ وہ فی الحال راجر فیڈرر کے ساتھ پانچ خطابات کا مشترکہ ریکارڈ اپنے نام رکھتے ہیں۔
