واشنگٹن۔ ڈیموکریٹک پارٹی کے صدارتی امیدوار جو بائیڈن نے کہا کہ وہ5 سیاہ فام خواتین میں سے ایک کو انتخابات میں اپنا نائب بنانے پر غور کر رہے ہیں اور اس سلسلہ میں انہیں ہر امیدوار کے بارے میں بھرپور بریفنگ بھی دی جارہی ہے ۔امریکی ٹی وی کو انٹرویو میں جو بائیڈن نے بتایا کہ وہ کسی ممکنہ امیدوار کا نام لینے کے پابند نہیں، لیکن انہوں نے جن لوگوں کا نام لیا ان میں 5 سیاہ فام خواتین ہیں۔ایک امریکی ٹی وی کے مطابق ان امیدواروں میں کیلیفورنیا کی سینیٹر کملا ہیریس، فلوریڈا کی ویل ڈیمنگز، اٹلانٹا کی میئر کیشا لانس بوٹمز، اوباما انتظامیہ کی سابق قومی سلامتی کی مشیر سوسن رائس اور کیلیفورنیا کی کارین باس شامل ہیں۔
