حیدرآباد 11 مئی (یواین آئی)سیاسی عزائم کے ساتھ کانگریس میں شامل ہونے چیف منسٹر آندھراپردیش و وائی ایس آرکانگریس سربراہ جگن موہن ریڈی کی جانب سے آندھراپردیش کانگریس سربراہ وائی ایس شرمیلا پر الزام پر شرمیلا اشکبار ہوگئیں۔شرمیلانے میڈیا سے بات کرتے ہوئے جذباتی انداز میں کہاکہ اپنے شوہر اور بچوں کو چھوڑ کرانہوں نے بھائی کی خاطر ہزاروں کلومیٹر پدیاترا کی تھی۔شرمیلا نے کہاکہ انہوں نے اُس وقت اپنے بھائی کیلئے کام کیا تھا۔وہ اس کیلئے قسم کھائیں گی ۔ انہوں نے سوال کیا کہ کیا ایساکرنے جگن تیار ہیں؟انہوں نے پوچھا کہ اپنے بھائی کیلئے کام کرنے والی بہن کا احترام کرنے کی بجائے جگن نے جذباتی طورپر ان کو نشانہ بنایا ہے ۔ شرمیلا نے کہا کہ جگن تاریخ میں ایک بڑے بھائی کے طور پر جانے جائیں گے جنہوں نے اپنی بہن کی شخصیت کو نقصان پہنچانے کی کوشش کی ہے ۔
