اندور۔ 10مارچ (سیاست ڈاٹ کام ) بنگال نے جھارکھنڈ کو سید مشتاق علی ٹرافی 20-20 کرکٹ ٹورنامنٹ کے سپر لیگ گروپ اے میچ میں اتوار کو آٹھ وکٹ سے ہرا دیاجھارکھنڈ کی تین میچوں میں یہ پہلی شکست ہے جبکہ بنگال کی تین میچوں میں یہ دوسری جیت ہے ۔ جھارکھنڈ اور بنگال دونوں کے یکساں 8-8 پوائنٹس ہیں لیکن بنگال بہتر نیٹ رن ریٹ کی بنیاد پر گروپ میں پہلے نمبر پر ہے ۔جھارکھنڈ نے انوکول رائے کے ناٹ آؤٹ 37 رنز سے نو وکٹ پر 126 رن بنائے جبکہ بنگال نے 13 اوور میں ہی دو وکٹ پر 127 رنز بنا کر میچ جیت لیا۔ شریوتس گوسوامی نے 50 گیندوں میں 12 چوکوں اور ایک چھکے کی مدد سے میچ فاتح ناٹ آؤٹ 86 رن بنائے ۔اس سے پہلے سنیچر کی رات کو جھارکھنڈ نے آنند سنگھ (53) اور وراٹ سنگھ (ناٹ آؤٹ 50) کی شاندار نصف سنچریوں سے ریلوے کو آسانی سے پانچ وکٹ سے شکست دی تھی۔
