آکلینڈ (سید مجیب ) نیوزی لینڈ کی حکمران جماعت کی رہنما جیسنڈا آرڈن نے اگلے دو سے تین ہفتوں میں نئی حکومت تشکیل دینے کا اعلان کیا ہے۔عام انتخابات میں واضح کامیابی حاصل کرنے والی لیبر پارٹی لیڈر آرڈن نے کہا ہے کہ وہ اگلے دو سے تین ہفتوں کے اندر نئی حکومت تشکیل دیں گی۔انہوں نے کہاکہ 1996 ء کے بعد سے پہلی مرتبہ نیوزی لینڈ کی تاریخ میں کسی پارٹی نے اتنی اکثریت حاصل کی ہے کہ وہ اکیلے حکومت بنا سکے۔واضح رہے کہ گزشتہ روز ہونے والے انتخابات میں لیبر پارٹی نے پارلیمان کی 120 میں سے 64 نشستیں حاصل کی ہیں۔