نئی دہلی۔ 21 اکتوبر (یواین آئی) مرکزی وزیر مملکت برائے ہنر مندی اور صنعت کاری اور تعلیم کے وزیر جینت چودھری فلپائن میں تین روزہ علم بانٹنے کے مشن کی قیادت کر رہے ہیں۔ ہنرمندی کی ترقی اور صنعت کاری کی مرکزی وزارت سے آج موصول ہونے والی اطلاعات کے مطابق چودھری 20 سے 22 اکتوبر تک فلپائن میں علم کے تبادلے کے ایک اعلیٰ سطحی مشن کی قیادت کر رہے ہیں۔ ان کے ساتھ آنے والے ہندوستانی وفد میں ہنر کی ترقی اور صنعت کاری کی وزارت کے اعلیٰ حکام اور ریاستوں کے نمائندے شامل ہیں۔
