نئی دہلی ،26ستمبر(سیاست ڈاٹ کام)سابق وزیرخزانہ ارون جیٹلی اور معروف وکیل رام جیٹھ ملانی کے انتقال کے بعد خالی ہوئی راجیہ سبھا کی دوسیٹوں کے لیے ضمنی انتخابات 16اکتوبر کوہونگے ۔مسٹر جیٹلی اترپردیش اور مسٹر جیٹھ ملانی بہار سے راجیہ سبھا رکن تھے ۔مسٹر جیٹلی کا طویل علالت کے بعد 24اگست اور مسٹر جیٹھ ملانی کا 8ستمبر کو انتقال ہوگیاتھا۔انکے انتقال کی وجہ سے ہی یہ دونوں سیٹیں خالی ہوئی ہیں ۔مسٹر جیٹلی کی راجیہ سبھا کی رکنیت کی میعاد دواپریل 2024کو اور مسٹر جیٹھ ملانی کی رکنیت کی میعاد 7جولائی 2022کو پوری ہونی تھی ۔ان ضمنی انتخابات کے لیے نوٹیفکیشن 27ستمبر کو جاری ہوگا اور کاغذات نامزدگی داخل کرنے کی آخری تاریخ 4اکتوبر ہوگی ۔کاغذات نامزدگی کی جانچ 5اکتوبر کو کی جائیگی اور 9اکتوبر تک نام واپس لیے جاسکیں گے ۔پولنگ 16اکتوبر کوصبح 9بجے سے چار بجے تک ہوگی اور شام پانچ بجے ووٹوں کی گنتی شروع ہوگی ۔انتخابی عمل 18اکتوبر تک مکمل ہونا ہے ۔
