جی ایم فنگس سے ملیریا کے مچھروں کا تقریباً خاتمہ

یہ فنگس تیزی سے زہریلا مادہ خارج کرتا ہے جس سے مچھر فوری ختم ہوجاتے ہیں

لندن ۔ 7 جون (سیاست ڈاٹ کام) صحت کے ایک جائزہ میں بتایا گیا ہیکہ جی ایم فنگس سے ملیریا پھیلانے والے مچھروں کا 99 فیصد خاتمہ ہوجاتا ہے۔ یہ فنگس تیزی سے زہریلا مادہ پیدا کرتا ہے اور اس مادہ کی زد میں آنے والے ملیریا کے مچھروں کی بڑی اکثریت فوری طور پر ختم ہوجاتی ہے۔ اس سلسلہ میں Burkina Faso میں کی گئی تحقیق سے پتہ چلتا ہیکہ فنگس کے زہریلے مادہ سے 45 دن کے اندر ملیریا کے مچھروں کی آبادی کا 99 فیصد خاتمہ ہوگیا ہے۔ مچھروں کے خاتمہ کیلئے تحقیق کرنے والے سائنسدانوں نے کہا کہ ان کا مقصد ملیریا کے پھیلاؤ کو روکنا ہے ۔ ایسے امراض جس سے ملیریا پھیلتے ہیں خاص کر مادہ مچھر انسانی خون چوستی ہے تو اس سے ہر سال زائد از 4 لاکھ افراد فوت ہوتے ہیں۔ ساری دنیا میں ہر سال ملیریا کے 219 ملین کیسیس سامنے آتے ہیں۔ اس سلسلہ میں کئے گئے جائزہ اور تحقیق سے پتہ چلتا ہیکہ مچھروں کے خاتمہ کیلئے فنگس معاون ثابت ہورہا ہے۔ امریکہ میں میری لینڈ یونیورسٹی کے تحقیق کنندگان اور
Burkina Faso
میں IRSS ریسرچ انسٹیٹیوٹ میں کئی گئی تحقیق سے ایسے فنگس کی ابتدائی نشاندہی کی گئی جس کا نام
Metarhizium pingshaense
بتایا گیا ہے جو Anopheles مچھروں کو فطری طور پر متاثر کرتے ہیں ۔ ایسے مچھر ملیریا پھیلانے کا باعث بنتے ہیں۔ یونیورسٹی آف میری لینڈ سے تعلق رکھنے والے پروفیسر ریمنڈ سنٹ لیجر نے بتایا کہ فنگس کو بڑھانے کیلئے اقدامات کئے جائیں تو آپ آسانی سے مچھروں کا خاتمہ کرسکتے ہیں۔ لیباریٹریز میں کئے گئے معائنوں سے پتہ چلتا ہیکہ جینین طور پر تیار کردہ فنگس تیزی سے مچھروں کو ختم کرتا ہے۔ ہم اس معاملہ پر تحقیق کررہے ہیں اور ملیریا کے پھیلنے کا سبب بننے والے مچھروں کے خاتمہ پر تحقیق کررہے ہیں۔ فنگس کو شیشم کے تیل سے ملاکر کالے کپڑے کی پرت پر پھیلایا جائے تو اس پر مچھروں کا جھنڈ بیٹھے گا اور ان کیلئے ایک مہلک فنگس خارج ہوگا۔