چینائی،6فروری (سیاست ڈاٹ کام) ہندوستان کے 40ویں مواصلاتی سیٹیلائٹ جی سیٹ -31 کو آج صبح فرینچ گویانا کے کورو خلائی مرکز سے کامیابی کے ساتھ لانچ کیا گیا۔ رپورٹ کے مطابق آج صبح دو بجکر 31منٹ پر ایرین -5راکٹ نے خلا کے لئے پرواز بھری اور لانچ کے تقریباً 42منٹ بعد جی سیٹ -31 کو کامیابی کے ساتھ اس کی جیوسٹنٹری مدارمیں نصب کردیا۔جی سیٹ ہندوستان کی جدید ترین مواصلاتی سیٹیلائٹ ہے جسے ہندوستان کی خلائی تحقیقی تنظیم (اسرو)نے بنایا ہے ۔جی سیٹ کا وزن 2535کلوگرام ہے اور یہ کم از کم 15برسوں تک کے یو -بینڈ میں مواصلاتی خدمات فراہم کرے گی۔
