نئی دہلی: وزیر خارجہ ایس جے شنکر نے جمعرات کو کولمبو پہنچنے کے فوراً بعد اپنے سری لنکن ہم منصب علی صابری سے بات چیت کی۔ جے شنکر نے صدر رانیل وکرم سنگھے سے بھی ملاقات کی۔ سری لنکا بین الاقوامی مالیاتی فنڈ (آئی ایم ایف) سے 2.9 بلین ڈالر کا ‘پل لون’ حاصل کرنے کے ساتھ ساتھ چین، جاپان اور ہندوستان سے مالی یقین دہانیاں حاصل کرنے کی کوشش کر رہا ہے۔ آئی ایم ایف بیل آؤٹ پیکج کو روک دیا گیا ہے کیونکہ سری لنکا اس سہولت کے لیے عالمی قرض دہندہ کی شرائط کو پورا کرنے کے لیے قرض دینے والے ممالک سے بات چیت کر رہا ہے۔صدر وکرم سنگھے نے منگل کو کہا کہ ان کی حکومت نے ہندوستان کے ساتھ قرضوں کی تنظیم نو کے مذاکرات کو “کامیابی سے” ختم کر دیا ہے۔ وکرم سنگھے نے پارلیمنٹ کو بتایا، “میں اس ایوان کو بتا سکتا ہوں کہ بات چیت کامیاب رہی ہے۔”
