واشنگٹن، یکم اکتوبر (سیاست ڈاٹ کام) وزیر خارجہ ڈاکٹر ایس جے شنکر نے امریکی وزیر خارجہ مائیک پومپیو سے ملاقات کرکے مختلف علاقائی اور عالمی معاملہ پر اہم تبادلہ خیال کیا۔ڈاکٹر جے شنکر نے منگل کو ٹوئٹ کیا‘‘دونوں ممالک کے درمیان دو طرفہ تعلقات کو اور آگے بڑھانے پر توجہ مرکوز کرتے ہوئے امریکی وزیر خارجہ مائیک پومپیو کے ساتھ بامعنی بات چیت ہوئی’’۔انہوں نے کہا‘‘اس دوران علاقائی اور عالمی مسائل پر بھی گفتگو ہوئی۔ ایک اہم پارٹنر شپ کو مسلسل بڑھانے کا خیر مقدم کیا گیا’’۔ہندوستانی وزیر خارجہ کے اپنے امریکی دورہ کے دوران امریکہ کے وزیر دفاع مارک ایسپر اور نو منتخب امریکی قومی سلامتی کے مشیر رابرٹ او برائن سے بھی ملاقات کرنے کا امکان ہے ۔کارنیگي ایڈاؤمنٹ فار انٹرنیشنل پیس کی جانب سے منعقد ایک پروگرام میں ڈاکٹر جے شنکر نے کہا کہ کاروبار سے متعلق بیشتر تنازعات حل کے قابل ہیں۔
