نئی دہلی: راشٹریہ سیوا بھارتی کا سیوا سنگم 7 اپریل سے جے پور میں منعقد ہوگا، جس میں ایک ہزار سے زیادہ رضاکارانہ خدمت تنظیموں کے چار ہزار سے زیادہ نمائندے حصہ لیں گے ۔راشٹریہ سیوا بھارتی کے صدر پنالال بھنسالی اور جنرل سکریٹری رینو پاٹھک نے منگل کو یہاں نامہ نگاروں کو بتایا کہ اس مہاسنگم میں سماجی ترقی کے شعبے میں کام کرنے والی ایک ہزار سے زیادہ رضاکارانہ خدمات تنظیموں کے چار ہزار سے زیادہ نمائندے حصہ لیں گے ۔ سنگم کا نعرہ ہے ‘خود کفیل ہندوستان، خوشحال ہندوستان’۔ انہوں نے کہا کہ سیوا بھارتی نے گزشتہ سال 25 ہزار سے زیادہ لوگوں کو روزگار فراہم کیا ہے ۔ اس کے ساتھ تنظیم نے کارکردگی، صحت، مہارت کی ترقی اور خواتین کو بااختیار بنانے جیسے شعبوں میں مسلسل تعاون کیا ہے ۔
