نئی دہلیجنتا دل (یو) کے راجیہ سبھا رکن پارلیمنٹ اور مشہور صنعت کار مہندر پرساد کا کل دیر رات اپولو ہاسپٹل میں دیہانت ہوگیا ہے ۔وہ 81 برس کے تھے ۔وہ طویل عرصے سے علیل تھے ۔بیماری کی وجہ سے وہ پارلیمنٹ کے سرمائی اجلاس کی کارروائی میں شامل نہیں ہوئے ۔انہوں نے دارالحکومت کے اپولو ہاسپٹل میں آخری سانس لی۔وہ مشہور سماجی کارکن تھے اور دواسازی کی صنعت میں انہوں نے زبردست نام کمایا تھا۔جنتا دل (یو) ذرائع نے آج یہاں یہ معلوما ت دی ہے ۔ پارٹی کے رہنماؤں نے پرساد کے دیہانت پر گہری تعزیت کا اظہار کیا ہے ۔
