دبئی ۔ پاکستان کے فاسٹ بولر حارث رؤف کو آئی سی سی مین پلیئر آف دی منتھ قرار دے دیا گیا۔ حارث کو نومبر کی کارکردگی کی بنیاد پلیئر آف دی منتھ قرار دیا گیا ہے۔ فاسٹ بولر نے آسٹریلیا کے خلاف 3 ونڈے میچز میں 10 وکٹیں حاصل کی تھیں، انہوں نے نومبر میں مجموعی طور پر 18 وکٹیں حاصل کی تھیں۔آسٹریلیا کے خلاف ونڈے سیریز پاکستان نے 22 برسوں کے بعد جیتی تھی۔ آئی سی سی پلیئر آف دی منتھ کے لیے ہندوستان کے فاسٹ بولر جسپریت بمرا اور جنوبی افریقہ کے مارکو ینیسن کی بھی نامزدگی ہوئی تھی لیکن پاکستان کے حارث کامیاب رہے ۔
