ابوظہبی ۔8 اکتوبر (ایجنسیز) بالی ووڈ اداکارہ دیپیکا پڈوکون اس وقت تنقیدوں کی زد میں ہیں ، انہیں سوشل میڈیا پر تنقید کا سامنا کرنا پڑا رہا کیونکہ انہوں نے اپنے شوہر رنویر سنگھ کے ساتھ ابوظہبی میں سیاحت کے فروغ کے دوران حجاب پہنا ۔ تاہم ان کے مداح ان کی حمایت میں آگے آئے۔مداحوں نے مختلف سوشل میڈیا چینلز پر دیپیکا کی حمایت کی۔ بہت سے لوگوں نے ان کی تعریف کی کہ انہوں نے کسی اور ثقافت کا احترام کیا اور اس اقدام پر فخر ظاہرکیا۔ ایک مداح نے لکھا کہ ہمارے لیے ضروری نہیں کہ ہر بات پر غیر محفوظ محسوس کریں۔ وہ اپنا سر ڈھانپ رہی ہیں، بالکل ویسے ہی جیسے ہم توقع کرتے ہیں کہ غیر ملکی سیاح ہمارے مندروں میں مناسب لباس پہنیں۔ اس کے علاوہ یو اے ای ہمارے ملک کا ایک اہم شراکت دار ہے جس کے ساتھ کافی دوطرفہ تجارتی اور عسکری تعلقات ہیں۔ دیپیکا اور رنویر شاندار لگ رہے ہیں۔ یہ شاندار جوڑی بھی ہندوستانی ہے۔ایک اور مداح نے وضاحت کی شیخ زائد مسجد آنے والے ہر سیاح، مرد اور عورت دونوں، مناسب لباس پہنیں اور خواتین اپنے سر کو ڈھانپیں۔ بہت سے عیسائی مشہور شخصیات بھی سر ڈھانپتی ہیں۔ لہذا، مسئلہ نہ بنائیں ۔ ایک اور نے لکھا ویسے وہی دیپیکا پڈوکون اور رنویر سنگھ سدھی ونیایک مندر میں بھی گئے تھے۔ مسجد بھی عبادت کا مقام ہے، بالکل مندرکی طرح، اس لیے مناسب لباس پہننا ضروری ہے۔ تم صرف شور مچانا چاہتے ہو۔کچھ سوشل میڈیا صارفین نے نشاندہی کی کہ دیپیکا کے خلاف ردعمل بلاجواز لگ رہا ہے اور لوگ بس منفی رویہ پھیلانے کے لیے بہانے ڈھونڈ رہے ہیں۔ایک اور صارف نے لکھا یہ دیپیکا پڈوکون ہیں جب وہ مندروں میں جاتی ہیں۔ وہ ہمیشہ بھارت کی ثقافت کا احترام کرتی ہیں۔ایک اور تبصرہ پڑھنے میں آیا،سیاحت کے اشتہار میں انہوں نے جو پہنا وہ اس ثقافت کے لیے مناسب تھا۔ ایسے شخص پر فخر ہونا چاہیے جو کسی بھی ملک جا کر وہاں کی ثقافت کا احترام کرے۔یہ واضح ہے کہ دیپیکا پڈوکون کے مداح ان کے احترام اور ثقافتی حساسیت کو سراہ رہے ہیں اور سوشل میڈیا پر ان کے خلاف غیر ضروری تنقید کے خلاف آواز اٹھا رہے ہیں۔
