سری نگر۔ جموں کشمیر پیپلز کانفرنس کے چیئرمین سجاد غنی لون نے نیشنل کانفرنس کے حد بندی کمیشن کی دلی میں 20 دسمبر کو منعقد ہونے والی میٹنگ میں شرکت کرنے کے فیصلے کو ہدف تنقید بناتے ہوئے کہا ہے کہ پہلے یہ پارٹی کہتی تھی کہ حد بندی کمیشن مں حصہ لینا دفعہ370 کی منسوخی کو تسلیم کرنے کے مترادف ہے لیکن آج خود کمیشن کی میٹنگ میں حصہ لینے جا رہی ہے ۔ انہوں نے کہا کہ نیشنل کانفرنس کا سری نگر اور دلی میں کئی جگہوں پر متعدد تقریریں کرنے کا دور ختم ہوچکا ہے ۔ موصوف چیئرمین نے ان باتوں کا اظہار ہفتہ کے روز اپنے ایک ٹویٹ میں کیا۔
