مکہ مکرمہ ۔ مسجد الحرام میں نماز جمعہ کے جزوی اجتماع میں حرمین کی انتظامیہ کے اہلکار، صحت وصفائی اور سیکیورٹی کے اہلکار اور آئمہ و مشائخ نے میں شرکت کی۔اس کے علاوہ مملکت کی تمام مساجد میں ایس او پیز کے ساتھ نماز جمعہ باجماعت ادا کی گئی۔مدینہ منورہ کی مسجد قبلتین، مسجد قباء ،مسجد سید الشہداء اور بڑی مساجد میں میں بھی نمازیں ادا کی گئیں۔ واضح رہے کہ سعودی عرب نے 20 مارچ کو مملکت میں کورونا وائرس کے کیسیس میں اضافے کے پیش نظر مسجد الحرام اور مسجد نبوی ؐ میں باجماعت نماز کو محدود کردیا تھا۔سعودی عرب میں کورونا کے کیسیس ڈیڑھ لاکھ سے تجاوز کرچکے ہیں جبکہ 1184 افراد جاں بحق ہوچکے ہیں۔مدینہ منورہ میں حرم نبوی ؐ کھلنے کے بعد تیسرے جمعہ کی نماز میں میں ایک لاکھ سے زائد نمازیوں نے شرکت کی۔
