دبئی۔ پاکستان کے بولروں حسن علی، نعمان علی اور شاہین آفریدی نے جاری آئی سی سی ٹسٹ رینکنگ میں اپنے کیریر کی بہترین ٹسٹ رینکنگ حاصل کی ہے ۔ تین بولروں نے زمبابوے کے خلاف ہرارے میں دوسرے ٹسٹ میں پانچ، پانچ وکٹیں حاصل کی ہیں ۔ حسن علی (پہلی اننگز میں 5-27))، بائیں ہاتھ کے شاہین آفریدی (دوسری اننگز میں5-52) )اور لیفٹ آرم اسپنر نعمان علی دوسری اننگز میں 5-86 ) )نے پاکستان کی زمبابوے کے خلاف ہرارے میں دوسرے ٹسٹ میں اننگز اور147 رن سے جیت اور سیریز کو 0-2 سے نمٹانے میں اہم کردار ادا کیا ۔حسن چھ مقامات بڑھ کر14 ویں ، شاہین نو مقامات سے22 ویںاور نعمان 54 ویں سے46 ویں نمبر پر آگئے ہیں۔ ایک ٹیم کے تین بولروں کے ایک ہی ٹسٹ میں پانچ وکٹیں حاصل کرنے کا یہ چھٹا موقع ہے اورگزشتہ 28 برسوں میں یہ پہلا موقع ہے ۔آخری بار آسٹریلیا کے پال ریفیل ، شین وارن اور ٹیم مے نے1993 میں انگلینڈ کے خلاف ایجبسٹن میں یہ اعزاز حاصل کیا تھا۔دریں اثنا دوسرے ٹسٹ میں ناٹ آوٹ 215 رنز بنا کر پلیئر آف دی میچ بننے والے عابد علی 38 پوزیشن سے40 ویں نمبر پر آگئے ہیں ، جبکہ 126 رنز بنانے والے اظہر علی چار مقام کے فائدے کے ساتھ 16 نمبر پر آگئے ہیں۔ میچ میں 97 رنز بنانے والے نعمان علی 35 مقام کی بہتری کے ساتھ 116 ویں نمبر پر آگئے ہیں۔
