لاہور ۔ 12 ستمبر (سیاست ڈاٹ کام) پاکستانی کرکٹر حسن علی اپنی اور اہلیہ سامعہ کی تصاویر میڈیا پر شیئر کرکے تنقید کا نشانہ بن گئے۔دونوں نے قدرے بے تکلف انداز میں تصاویر بنوائیں جس پر صارفین نے ہاشم آملہ اور شاہد آفریدی کی باپردہ بیگمات کے ساتھ تصاویر شیئر کرتے ہوئے کہا کہ بطور مسلمان آپ کو بھی ایسا کرنا چاہیے۔جواب میں حسن علی نے کہا کہ کہ لوگوں کی سوچ کو تبدیل نہیں کیا جاسکتا اس لیے زندگی ایسے گزارنی چاہیے جس سے آپ کو خوشی حاصل ہو۔خیال رہے کہ شادی کے بعد حسن علی کی اہلیہ دبئی میں مقیم ہیں جبکہ حسن پاکستان آ چکے ہیں۔
