غزہ : حماس سے لڑائی کے دوران ایک اور اسرائیلی فوجی مارا گیا۔اسرائیلی فوج کے ترجمان کے مطابق میجر ایال شومینوف شمالی غزہ میں ہلاک ہوا جس کی عمر 24 سال تھی۔رپورٹس کے مطابق زمینی آپریشن کے دوران اب تک 238 اسرائیلی فوجی مارے جا چکے ہیں۔حماس سے لڑائی کے دوران ایک اور اسرائیلی فوجی افسر ہلاک ہوا ہے۔دوسری جانب اسرائیلی حکومت کے خلاف دارالحکومت تل ابیب میں مظاہرے کیے گئے۔اسرائیلی میڈیا کے مطابق اس دوران اسرائیل کی گھڑ سوار پولیس نے متعدد مظاہرین پر تشدد کر کے انہیں زخمی کر دیا۔مظاہرین یرغمالیوں کی رہائی پر زور دے رہے ہیں ۔
