غزہ: فلسطین کی مزاحمتی تحریک حماس نے اسرائیل کے پورے خطے اور خطے کے مفادات کیلئے خطرہ قرار دیا ہے ۔حماس کے ترجمان حازم قاسم نے اسرائیلی وزیراعظم بنجامن نتن یاہو کے تازہ ترین بیانات کا جائزہ پیش کرتے فلسطینی عوام، شام اور ایران کے خلاف نتین یاہو کی دھمکیوں کی طرف توجہ مبذول کراتے ہوئے قاسم نے کہا ہے اسرائیل پورے خطے اور اس کے مفادات کیلئے خطرہ ہے ۔انہوں نے کہا کہ نتن یاہو انہیں نہیں ڈراسکتا۔انہوں نے کہا کہ نتن یاہو کا فلسطینی عوام جو دشمن کی طرف سے شروع کی گئی مذہبی جنگ کے خلاف مسجد الاقصی میں اپنی شناخت کے تحفظ کیلئے اپنی جنگ جاری رکھے ہوئے ہیں کو ڈرانا ناممکن ہے ۔انہوں نے کہا کہ علاقے میں کشیدگی کی اصلی جڑ فلسطینی علاقوں پر ناجائز قبضہ ہے ۔ نتان یا ہو بڑے منظم طریقے سے دہشت گردی پر عمل پیرا ہے اور فلسطینی عوام اپنی آزادی کے تحفظ کیلئے اور غیر ملکی قبضے کے خاتمے کیلئے اپنی جدو جہد جاری رکھے ہوئے ہے ۔اسرائیلی وزیراعظم بنجامن نتن یاہو نے سوموار کی شام ٹیلی ویژن تقریر میں کھلے عام اعتراف کیا ہے کہ اسرائیلی فوج شام میں فوجی کارروائیاں کر رہی ہے ۔
