غزہ: اسلامی تحریک مزاحمت (حماس)میں بیرونی خطے کی قیادت کے رکن سامی ابو زہری نے کہا ہے کہ مزاحمتی قوتیں قابض ریاست (اسرائیل) اس کی جارحیت سے روکنے اور ہمارے مقدسات اور ہمارے عوام کی حفاظت کرنے کی صلاحیتیںرکھتی ہیں۔ابو زہری نے غزہ کی پٹی میں حماس کے میڈیا ڈپارٹمنٹ کے میڈیا ریلیشنز کی طرف سے منعقدہ ایک اجلاس میں واضح کیا کہ قابض ریاست کے ساتھ جنگ ہمارے لوگوں کے خلاف دشمن کے جرائم کے تسلسل کے تناظر میں ہو رہی ہے۔انہوں نے مزید کہا کہ ہم دیکھ رہے ہیں کہ فتح کے شگون افق پر منڈلانے لگے ہیں، القدس کی تلوار، جو ایک سال قبل ہوئی تھی اس مسئلے کی تاریخ میں ایک اہم موڑ کی نمائندگی کرتی ہے اور ہم آپ کواس جنگ کے نتائج دکھا رہے ہیں۔انہوں نے کہا کہ قابض ریاست کا مقدر زوال اور تباہی کے سوا کچھ نہیں۔ اسے امریکا کی طرف سے ملنے والی تمام حمایت اور امداد اس کے کام نہیں آئے گی۔مغربی کنارے کی صورت حال اور بڑے پیمانے پر گرفتاریوں کے بارے میں ابو زہری نے کہا کہ مغربی کنارہ قابض دشمن کے ساتھ اتھارٹی کی طرف سے سکیورٹی کوآرڈینیشن کے تابع ہے۔
