خوابوں کی تکمیل : حمیرہ مشتاق پہلی خاتون کشمیر ریسر بن گئی ہے جس نے حالیہ جے کے ٹائر نیشنل ریسنگ چمپئن شپ منعقدہ کوئمبتور میں اپنا کریئر شروع کیا۔ 23 سالہ حمیرہ نے روایتی ماحول کو توڑنے میں کامیابی حاصل کرتے ہوئے ریسنگ کو پروفیشن کے طور پر اختیار کیا ہے۔ سچن تنڈولکر کی زبردست پرستار حمیرہ میڈیکل ڈنٹسٹری کی طالبہ ہے۔ حمیرہ کو مشینوں کو استعمال کرنے میں کافی دلچسپی ہے اور وہ پائلٹ ٹریننگ میں بھی حصہ لے چکی ہے۔ وہ کہتی ہے کہ جو بھی مشین ہو ، اگر اَڈرینالین کو جوش دلاتی ہے تو ان کی دلچسپی بڑھ جاتی ہے۔ جموں میں پیدائش اور پرورش پانے والی حمیرہ موجودہ کشیدہ حالات کے باوجود مستقبل کے تعلق سے پُرامید ہے۔ حمیرہ کا کہنا ہے کہ جموں کے تعلق سے لوگوں کو نظریہ تبدیل کرنے کی ضرورت ہے۔ ’’اس سے فرق نہیں پڑتا کہ آپ کہاں رہتے ہو، بلکہ یہ اہم ہے کہ آپ کس طرح رہتے ہو؟‘‘
