واشنگٹن: بحیرہ احمر میں جہازوں پر حملوں کے بعد امریکہ نے حوثی گروپ کو دوبارہ دہشت گرد تنظیموں کی فہرست میں شامل کرلیا۔عالمی میڈیا کے مطابق وائٹ ہاؤس کا کہنا ہے یہ اقدام بحیرہ احمر میں مسلسل حملوں اور خطرات کے باعث کیا گیا ہے ، اس کے علاوہ اقدام کا مقصد حوثی گروپ کو ہتھیاروں اور مالی امداد کی فراہمی سے بھی روکنا ہے ، حوثی گروپ بحیرہ احمر، خلیج عدن میں حملے روک دے تو فیصلے کو بدلا جا سکتا ہے ۔دوسری جانب حوثی گروپ نے ردعمل میں کہا ہے کہ امریکی اقدام کے باوجود اسرائیل جانے والے جہازوں پر حملے جاری رہیں گے ، امریکہ کا انہیں دہشت گرد قرار دینا ان کی کارروائیوں پر اثرانداز نہیں ہوگا۔