نئی دہلی : صحت و خاندانی بہبود کی مرکزی وزیر مملکت ڈاکٹر بھارتی پروین پوار نے چہارشنبہ کے روز عالمی صحت کی سہولیات کی فراہمی کے حکومت کے عزم کا اظہار کرتے ہوئے کہا کہ متعدی اور غیر متعدی امراض کو کنٹرول کے لیے قومی سطح پر کئی منصوبے اور پروگرام شروع کیے گئے ہیں۔فیڈریشن آف انڈین کامرس اینڈ انڈسٹری (ایف آئی سی سی آئی-فکی) کے سالانہ ہیلتھ کیئر ایکسی لینس ایوارڈکی تقریب سے خطاب کرتے ہوئے ڈاکٹر پوار نے کہا کہ حکومت متعدی اور غیر متعدی بیماریوں کو کنٹرول ، روکنے اور ختم کرنے کے لیے انتھک کوشش کر رہے کر رہی ہے جس کی وجہ سے بہت سے منصوبے اور پروگرام قومی سطح پر شروع کیے جا سکتے ہیں۔ انہوں نے کہا کہ صحت کی نگرانی کے لیے ملک میں سستی ، بہتر اور جدید سہولیات کا بنیادی ڈھانچہ فراہم کرنا ایک بڑا چیلنج ہے ۔ انہوں نے کہا کہ حکومت کی کوششوں سے خواتین ، بچوں ، شیر خوار اور نوزائیدہ بچوں کی صحت میں بہتری ہوئی ہے ۔آیوشمان بھارت اسکیم کا ذکر کرتے ہوئے مرکزی وزیر نے کہا کہ اس اسکیم کو ڈیجیٹل ہیلتھ مہم سے جوڑا گیا ہے ۔ انہوں نے کہا کہ گذشتہ چند برسوں میں حکومت نے صحت عامہ کے بنیادی ڈھانچے کو مضبوط بنانے کے لیے پبلک پرائیویٹ پارٹنر شپ (پی پی پی) کے تحت فائنانس فراہم کیا ہے ۔ میڈیکل ایجوکیشن میں بہتری لائی گئی ہے اور ٹیچنگ انفراسٹرکچر کی توسیع کی گئی ہے ۔
