لکھنو ۔27 اپریل ۔(سیاست ڈاٹ کام)اترپردیش سمیت دیگر ریاستوں میں مہاجر مزدورو کے تئیں تشویش کا اظہار کرتے ہوئے صدر بہوجن سماج پارٹی(بی ایس پی) مایاوتی نے پیر کو کہا کہ حکومت کو لاک ڈاؤن سے متاثرہ ان مزدوروں کو پیٹ بھر کھانہ دستیاب کرانے کے ساتھ ان کے جلد ہی وطن واپسی کا انتظام کرنا چاہئے ۔مایاوتی نے پیر کو اپنے ٹوئٹ میں لکھا کہ مرکز اور سبھی ریاستی حکومتیں کورونا وائرس کی ٹیسٹنگ بڑھانے کے ساتھ ساتھ خاص کر بے سہارا ومجبور لاکھوں غریب مزدوروں کو پیٹ بھر کھانے دستیاب کرائیں ورنہ بھوک سے تڑپتے یہ لوگ کیسے اپنی قوت مدافعت بڑھا کر مہلک کورونا بیمار ی سے بچ سکیں گے ۔سرکاری گوداموں میں رکھا غلہ آخر کس دن کام آئے گا۔انہوں نے کہاکہ ویسے بہتر تویہ ہوگی کہ حکومتیں لاک ڈاؤن سے متاثر ان لاکھوں مظلوم و مجبور لوگوں کو جلد سے جلد مناسب انتظام کر کے انہیں ان کے گھروں تک محفوظ بھجوائے اور ان کو جینے کے لئے فوری طور پر ان کی کچھ مالی مدد بھی ضروری کرے۔قابل ذکر ہے کہ اترپردیش حکومت نے باہر کام کرنے والے اور وہیں پھنسے رہ گئے بیرون ریاست برسرکار مزدوروں کو مرحلہ وار طریقے سے واپس لانے کا فیصلہ کیا تھا۔ اڈیشنل چیف سکریٹری(داخلہ)اونیش اوستھی کے مطابق ہریانہ سے اب تک 2224 مزدورں کو ریاست واپس لایا جاچکا ہے جبکہ تقریبا 10ہزار مزدوروں کے ہریانہ سے آنے کے امکانات ہیں۔