نئی دہلی: کانگریس کے سابق صدر راہول گاندھی نے پارلیمنٹ نہیں چلنے دینے کے لئے حکومت کوذمہ دار ٹھہراتے ہوئے آج کہا کہ ایوان میں کسان ، مہنگائی اور پیگاسس کی بات ہونی چاہئے اور وقت ضائع نہیں کیا جانا چاہئے ۔ کانگریس قائد نے کہا کہ پارلیمنٹ جمہوریت کی بنیاد ہے اوراس میں وقت ضائع کیے بغیر عوامی مفادات کے امور پر بحث کرنے کا حکومت کو موقع دینا چاہئے ۔ راہول گاندھی نے ٹویٹ کیا ‘‘ ہماری جمہوریت کی بنیاد ہے کہ اراکین پارلیمنٹ عوام کی آواز بن کر قومی اہمیت کے مسائل پر بحث کریں۔ مودی حکومت اپوزیشن کو یہ کام نہیں کرنے دے رہی ہے ۔ پارلیمنٹ کا مزید وقت ضائع نہ کرو ۔کرنے دو مہنگائی ، کسان اور پیگاسس کی بات ۔‘‘
