نئی دہلی۔ 26 جنوری (یو این آئی) کانگریس پارٹی نے پیر کو مرکزی حکومت سے مطالبہ کرتے ہوئے کہا کہ وہ ذات پات کی بنیاد پر مردم شماری کے عمل کی تفصیلات کو حتمی شکل دینے سے پہلے سیاسی جماعتوں، ریاستی حکومتوں اور سول سوسائٹی کی تنظیموں کے ساتھ فوری طور پر بات چیت شروع کی جائے ۔کانگریس لیڈر جے رام رمیش نے پیر کو اپنے سوشل میڈیا اکاؤنٹ پر لکھا، “مودی حکومت ذات پات کی بنیاد پر مردم شماری کے خیال کو مسلسل مسترد کرتی رہی ہے ۔ مودی حکومت نے 30 اپریل 2025 کو مکمل طور پر یو ٹرن لیتے ہوئے اچانک اعلان کیا کہ ذات پر مبنی مردم شماری کو مردم شماری 2027 میں شامل کیا جائے گا۔ اس کے بعد 12 دسمبر 2025 کو یہ اعلان کیا گیا کہ ذات پات کی مردم شماری 2027 کے فیز 2 میں ہوگی۔”انہوں نے کہا کہ مودی حکومت نے جس طرح سے سوالنامہ تیار کیا ہے اس سے اس کے حقیقی ارادوں اور ایک جامع، غیر جانبدارانہ اور ملک گیر ذات پات کی مردم شماری کے تئیں اس کی وابستگی پر سنگین سوالات اٹھتے ہیں۔ جے رام رمیش نے اس کے سوالات کی فہرست پر سوال اٹھایا ہے ۔
