حیدرآباد یکم جولائی (یو این آئی) ایک ماہ کے بعد حیدرآباد اور اطراف میں مانسون نے دوبارہ دستک دی ۔ پیر کی رات شہر میں اوسط بارش ریکارڈ کی گئی جس سے موسم خوشگوار ہو گیا۔ حیدرآباد میں سب سے زیادہ بارش بی ایچ ای ایل فیکٹری، رام چندرا پورم 27.3 ملی میٹر ٹولی چوکی، کاروان 26.4 ‘ مشیرآباد ایم سی ایچ بلڈنگ 24.8 ‘ قُطب اللہ پور ‘گاجولارامارم 25.5 اور جوبلی ہلز، شیخ پیٹ 34.5 ملی میٹر ریکارڈ کی گئی۔سدی پیٹ کے ورگل میں 63.3 ملی میٹر بارش ہوئی۔
مشرقی تلنگانہ میں بارش کاامکان
حیدرآباد یکم جولائی (یو این آئی) تلگو ریاستوں تلنگانہ اوراے پی پر خلیج بنگال میں کم دباؤ کے اثرات بڑھتے جا رہے ہیں۔ اس سسٹم کا دائرہ دونوں ریاستوں تک پھیل چکا ہے جس کے باعث گزشتہ 24 گھنٹوں سے کئی اضلاع میں اوسط تا شدید بارش ہو رہی ہے ۔ محکمہ موسمیات نے کہا کہ یہ کم دباؤ والا نظام مزید مضبوط ہو چکا ہے جس کی وجہ سے مشرقی تلنگانہ کے علاقوں میں آئند تین دن بارش کا امکان ہے ۔آج ریاست میں مطلع ابر آلود رہنے کے ساتھ ساتھ موسلا دھار بارش کی پیش قیاسی کی گئی ہے ۔ خاص طور پر عادل آباد، کومرم بھیم آصف آباد، منچریال، بھوپال پلی، ملُگ اور بھدرادری کتہ گوڑم اضلاع میں ریڈ الرٹ جاری کیا گیا ہے ۔ ان علاقوں میں شدید سے شدید ترین بارش کاامکان ہے ۔