حیدرآباد15جولائی (یواین آئی) شہر میں گاڑیوں کی تعداد میں غیرمعمولی اضافہ درج کیاگیا ۔اس کے مطابق ٹریفک پولیس قواعد پر عمل کویقینی بنایا جارہا ہے ۔پولیس چاہے جتنا بھی ٹریفک قوانین پر شعور اجاگر کر رہی ہو اور چالان کر رہی ہو، قوانین کی خلاف ورزی کرنے والوں کی تعداد میں کمی نہیں آ رہی ہے ۔ پولیس ایسے لوگوں کے خلاف سخت کارروائی کر رہی ہے ۔ حال ہی میں متعارف نئی پالیسی کے تحت ٹریفک قوانین کی خلاف ورزی کرنے والوں پر 5 لاکھ 32 ہزار 664 جرمانے عائد کیے گئے ۔ اس کے علاوہ پیدل چلنے والوں کے لیے شہر میں 43مقامات پر یلیکن سگنل بھی لگائے جائیں گے ۔محفوظ شہر پراجکٹ کے طورپر یہ سگنلس پُرہجوم علاقوں میں لگائے جائیں گے۔اسپتالوں،تعلیمی و تجارتی اداروں کے قریب عوام کی تعداد میں اضافہ کے پیش نظر یہ سگنلس لگائے جائیں گے ۔ان سگنلس کے قریب ٹریفک والنٹرس پولیس کی مدد سے سگنلس کو 15تا20سکنڈ کیلئے آپریٹ کریں گے ۔ہر ٹریفک سگنل کے قریب دو ٹریفک والینٹرس کو تعینات کیاجائے گا۔
