حیدرآباد۔ شہر حیدرآباد کے گاندھی ہاسپٹل جہاں پر کورونا کے مریضوں کا علاج کیاجارہا ہے میں اس موذی مرض سے متاثرہ 94سالہ خاتون روبہ صحت ہوگئی۔ اس خاتون کو صحت مندی کے بعد ہاسپٹل سے گھر جانے کی اجازت دے دی گئی۔ حیدرآبادکے چکڑپلی علاقہ سے تعلق رکھنے والے پی وجئے لکشمی کو اس وائرس کے ہلکی علامات پر 17جون کو ہاسپٹل میں داخل کروایاگیا تھا۔اس خاتون کے ضعیف ہونے کے باوجود وہ اس مرض سے روبہ صحت ہوگئی۔اس خاتون کی صحت پر مسلسل نظر رکھی گئی تھی جس کے بعد گذشتہ روز اس کو گھر جانے کی اجازت دے دی گئی۔متاثرہ خاتون نے بتایا کہ اس کا بہتر علاج کیا گیا۔ یہ اسپتال بہتر حالت میں ہے ۔انہوں نے کہاکہ ان کی بہنیں ان کی عیادت کیلئے روزانہ اسپتال آتی تھیں اور ڈاکٹرس بھی معمول کے مطابق ان کا علاج کررہے تھے ۔ ہاسپٹل کا سینی ٹری اسٹاف بھی کافی مددگار تھا۔ ہاسپٹل نے بہتر غذا بھی فراہم کی۔
