چنئی: آئی پی ایل کے بہترین پاور ہٹر ٹریوس ہیڈ اور ابھیشیک شرما کو ذہین اسپن جوڑی یوزویندر چہل اور روی چندرن اشون کے ذریعہ ایک بہت ہی مختلف چیلنج کا سامنا رہے گیا جیسا کہ سن رائزرس حیدرآباد جمعہ کو یہاں دوسرے کوالیفائر میں راجستھان رائلز سے مقابلہ کرے گا۔ٹراویشیک جیسا کہ اس جوڑی کو شائقین پیار سے پکارتے ہیں پاور ہٹنگ کو ایک نئی سطح پر لے گئے ہیں۔ ہیڈ (199.62 اسٹرائیک پر 533 رنز) اور ابھیشیک (207.04 اسٹرائیک ریٹ پر 470 رنز) نے 96 چوکوں کے علاوہ 72 چھکے لگائے ہیں۔ اگر یہ کافی نہیں ہے تو ان کے پاس ہینرک کلاسن (180 اسٹرائیک پر 413 رنز) میں ایک اور خطرناک بیٹر ہے، جس کے نام 34 زیادہ سے زیادہ چھکے بھی شامل ہیں۔ لیکن چیپاک میں کھیلنا مشکل ہے جہاں پچ فطرت میں مختلف ہو گی کیونکہ یہاں گیند رک جاتی ہے اور اسٹروک بنانے والوں کے لیے ایک مشکل وقت ہوتا ہے ۔ اشون جنہوں نے اپنی تمام کرکٹ اس گراؤنڈ پر کھیلی ہے، اپنے نام کی طرح پچ کو اچھی طرح جانتے ہیں اور ٹورنمنٹ کے پچھلے حصے میں ان کی فارم میں بہتری آئی ہے۔ ان کے تعاون کے لیے ملک کے بہترین لیگ اسپنر چہل موجود ہیں اور رائلز امید کر رہے ہوں گے کہ ہیڈ، ابھیشیک اور کلاسن کو یہ صرف قابو میں کریں بلکہ جلدی انہیں آوٹ کرتے ہوئے حیدرآباد کو بھاری نقصان پہنچائیں۔ جہاں تک ان کی بولنگ کا تعلق ہے، ذمہ داری ایک بار پھر ٹی نٹراجن پر ہوگی، جو اس سیزن میں حیدرآباد کے سب سے زیادہ وکٹ لینے والے بولر ہیں، اور یہاں اپنے گھریلو میدان پر کھیل کر وہ حالات کا فائدہ اٹھانا پسند کریں گے۔ نیز بھونیشور کمار اورکمنز کی تجربہ کار جوڑی کے پاس بھی بہت کچھ ہے۔ حیدرآبادکے مسائل دو معیاری اسپنرز نہ ہونا ہے۔ میانک مارکنڈے کا فام معمولی ہے اور شہباز احمد بھی زیادہ اثر نہیں کرپائے ۔ جہاں تک آرآر کا تعلق ہے، آخرکار ٹیم نے آرسی بی کے خلاف اپنے آل راؤنڈ مظاہرہ کی بدولت اپنی پانچ گیمزکی ناکامی کے سلسلہ ختم کیا۔ بیٹنگ میں ٹاپ آرڈر نے کچھ مثبت اشارے دکھائے، خاص طور پر یشسوی جیسوال اور وہ اگلے ماہ امریکہ میں ہونے والے ٹی20 ورلڈ کپ سے پہلے فارم کو جاری رکھنا پسند کریں گے کیونکہ وہ پچھلے تین مقابلوں میں 20 رنزکا ہندسہ عبور نہیں کر پایا ہے۔ مڈل آرڈر میں دھرو جورل دباؤ میں ہوں گے جو اپنے آخری دو مقابلوں میں دوہرے ہندسے میں داخل ہونے میں ناکام رہے ہیں۔ ٹیم اپنے کیریبین گیم چینجر شمرون ہیٹمائر اور ویسٹ انڈیز کے ٹی 20 کپتان روومین پاول پر بھی کچھ پاور ہٹنگ کے لیے انحصار کرے گی جو انہوں نے آر سی بی کے خلاف دکھائے۔ ریان پراگ، جنہوں نے اس سیزن میںکچھ سنجیدہ اننگزکا مظاہرہ کیا ہے، وہ بھی ان کے قابل اعتماد بیٹرس میں سے ایک ہیں۔حیدرآباد کے لئے ضروری ہوگا کہ ہیڈ ٹیم کو ایک بہتر شروعات دلوائیں کیونکہ ان کی ناکامی کا راست اثر ٹیم پر پڑ رہا ہے ۔
