حیدرآباد21نومبر ( یواین آئی ) شہر حیدرآباد میں سردی کی شدت میں اضافہ ہوتاجارہا ہے ۔صبح کے وقت کئی مقامات پر کہر کی وجہ سے گاڑی سواروں کو مشکلات کاسامناکرناپڑرہا ہے ۔ محکمہ موسمیات کا کہنا ہے کہ شدید سردی مزید پانچ دن جاری رہیگی۔پٹن چیرومیں اقل ترین درجہ حرارت 12.2 ڈگری، راجندر نگر میں 13 ڈگری، حیات نگرمیں 14.6، بیگم پیٹ میں 15.1، ڈنڈیگل، حکیم پیٹ میں 15.3 ڈگری ریکارڈ کیا گیا۔ حکام نے بتایا کہ مشرق و شمال مشرق علاقہ سے ہوائیں تلنگانہ کی طرف 4۔8 کلومیٹر فی گھنٹہ کی رفتار سے چلنے کا امکان ہے ۔ حیدرآباد میں اعظم ترین درجہ حرارت 29.2 اوراقل ترین 15.1 ڈگری درجہ حرارت ریکارڈ کیا گیا۔
