حیدرآباد۔حیدرآباد کے بیشتر علاقوں میں آج بارش ہوئی۔ملکاجگری،سکندرآباد،ونستھلی پورم،لنگم پلی،حیات نگر،مادھاپور،لکڑی کا پْل،جوبلی ہلز،صنعت نگر،امیرپیٹ،خیریت آباد،گچی باولی،اْپل،ایل بی نگر،دلسکھ نگر،کوٹھی اور پرانا شہر کے کئی علاقوں میں بارش ہوئی۔بارش کاپانی سڑکوں پر جمع ہوگیا جس سے عوام کو مشکلات پیش آئیں۔جی ایچ ایم سی کے عہدیدار محکمہ موسمیات کی جانب سے بارش کے انتباہ کے بعد چوکس ہوگئے۔اضلاع سے موصولہ اطلاعات میں کہا گیا کہ بعض اضلاع میں بارش ہوئی جہاں زرعی سرگرمیاں جاری ہیں۔کسان بارش کی وجہ سے خوش ہیں اور بیشتر پراجکٹس میں پانی کا بہاؤ دیکھاجارہا ہے۔محکمہ موسمیات کے مطابق آئندہ 24گھنٹوں کے دوران شمالی ساحلی اے پی،یانم اور رائل سیما میں بارش کا امکان ہے۔اس بلیٹن میں کہا گیا کہ تلنگانہ،ساحلی اے پی،یانم اور رائل سیما میں آئندہ 5دنوں کے دوران بارش ہوگی۔
