حیدرآباد8مارچ(یواین آئی)تلنگانہ میں خواتین کیخلاف جرائم کے واقعات میں اضافہ کا الزام لگاتے ہوئے منہ پر سیاہ پٹی باندھ کرخاموش احتجاج کرنے پر وائی ایس آرتلنگانہ پارٹی کی سربراہ وائی ایس شرمیلا کو ٹینک بنڈ پر پولیس نے تحویل میں لے لیاگیا۔
شرمیلا، اپنی پارٹی کی کارکنوں کے ساتھ رانی ردرماں دیوی کے مجسمہ کے قریب یہ احتجاج کررہی تھیں۔ اس احتجاج کے لئے قبل ازیں اجازت نہ لینے پر شرمیلا کو ان کی پارٹی کارکنوں اور حامیوں کے ساتھ حراست میں لے کر مختلف پولیس اسٹیشنوں کو منتقل کردیاگیا۔
