نئی دہلی: مرکزی وزیر خزانہ نرملا سیتارمن نے اپوزیشن کانگریس پارٹی کے رہنماؤں پر سرکاری اداروں (اثاثوں) کو خانگیانے کے مسئلے پر دوہری باتیں کرنے کا الزام عائد کرتے ہوئے جمعہ کو راجیہ سبھا میں کہا کہ جن سنگھ کے دنوں سے لے کر اب تک اس معاملے پر بھارتیہ جنتا پارٹی (بی جے پی) کا نقطئہ نظر واضح ہے ۔سیتارمن نے بجٹ 2022-23 پر ایوان میں بحث کا جواب دیتے ہوئے کہا کہ کانگریس کے ایک بڑے رہنما باہر سرمایہ کشی اور نجکاری کی مخالفت کرتے ہیں لیکن اسی ایوان میں اس پارٹی کے ایک اور سینئر لیڈر اور سابق وزیر خزانہ پی چدمبرم تنقید کرتے ہیں کہ ہم نجکاری کے معاملے میں سست پڑ گئے ہیں۔