نئی دہلی : سرکاری بنکوں کو خانگیانے کے خلاف مختلف یونینوں پر مشتمل فیڈریشن نے 15اور 16مارچ کو ملک گیر ہڑتال کا اعلان کیا ہے ۔شیلیندر دوبے نے کہا کہ بے روزگاری کے مشکل دور میں بینکوں کی نجکاری سے روزگار کے موقع بری طرح متاثر ہوں گے۔ نجی بینک کم از کم انسانی طاقت سے کام چلاتے ہیں اور ان کو شدید ذہنی دباؤ میں کام کرنا پڑتا ہے۔ آل انڈیا انجینئرس فیڈریشن کے علاوہ مختلف ریاستوں کی تنظیموں نے بھی 15 اور 16 مارچ کو ہونے والی دو روزہ بینک ہڑتال کی پرزور حمایت کی ۔ انہوں نے وزیراعظم کو خط بھیج کر نجکاری کا فیصلہ واپس لینے کا مطالبہ کیا ہے۔ فیڈریشن کے چیئرمین شیلیندر دوبے نے اتوار کو کہا کہ عوامی شعبہ کے بینکوں کی نجکاری ایک عوام مخالفت قدم ہے۔ نجکاری غیر سماجی بھی ہے۔ بینکوں کو اب سماجی ضرورتوں کو پورا کرنے کے لئے نہیں بلکہ غلط طریقے سے نجی گھرانوں کو فائدے پہنچانے کیلئے چلایا جائے گا۔ بینکوں کی نجکاری سے عام لوگوں کو بھی کافی مشکلات کا سامنا کرنا پڑے گا اور ان کی جمع رقم بھی محفوظ نہیں رہ پائے گی۔
انڈس انڈ بینک اور پی ایم سی بینک میں پیسہ ڈوبنے سے نجکاری کے نام پر عام لوگ کافی خوفزہ ہیں ۔اے آئی پی ای ایف نے کہا کہ عوامی شعبہ کے بینکوں کی نجکاری کے ساتھ ساتھ مرکزی حکومت نے بجلی کے شعبہ سمیت معیشت کے مختلف شعبوں کی نجکاری کے لئے وسیع پالیسی اپنائی ہے۔ اے آئی پی ای ایف نے مرکزی حکومتوں کی نجکاری پالیسی کی پر زور مخالفت کرتے ہوئے مرکز کے زیر انتظام سبھی علاقوں میں بجلی کی نجکاری کے فیصلے اور حال ہی میں بجلی ایکٹ 2003 میں ترمیم کے قدم سے نجی کمپنیوں کو ریاستوں کی تقسیم کے نظام میں داخل کرنے کی اجازت دی۔ اے آئی پی ای ایف نے مرکزی حکومت کی اس پالسی کی مذمت کی جو معیشت کے ہر شعبہ میں کام کرنے والے عوامی شعبہ کے پوری طرح خلاف ہے اور کارپوریٹ گھرانوں کے حق میں تیار کی گئی ہے۔
بینکوں کی ملک گیرہڑتال میں ناگالینڈ کے بینک بھی شامل
کوہیما: یونائیٹڈ فورم آف بینک یونینز (یوایف بی یو) کے زیراہتمام دوروزہ ملک گیر ہڑتال کی حمایت میں ناگالینڈ میں تمام بینک پیر سے دودنوں تک بند رہیں گے ۔کنفیڈریشن آف آل انڈیا بینک آفیسرز کی ناگالینڈ برانچ کے ذرائع نے بتایا کہ ریاست کے پرائیویٹ سیکٹر کے بینکوں سمیت تمام بینک پیر اورمنگل کو یوایف بی یو کی ملک گیر ہڑتال کی حمایت کریں گے اور اس مدت میں بینکوں میں کام کاج بندرہے گا۔ بینکرز دیماپور میں تین مختلف مراکز-ایس بی آئی ریجنل ٹریڈ آفس (آر بی او)، موکوکچنگ میں ایس بی آئی آربی او اور متعینہ تاریخوں پرایس بی آئی کوہیما مین برانچ سے ریلی نکالیں گے ۔یوایس بی او کا پبلک سیکٹر کے تمام بینکوں (پی ایس بی) کی نجکاری کی تجویزکے خلاف احتجاج ہے ۔ ان کا مطالبہ ہے کہ پی ایس بی کو مضبوط کیا جائے ۔ ان کا کہنا ہے کہ ملک میں بپلک سکیٹرکے بینکوں کی نجکاری کرنے سے بینکوں پر منفی اثرپڑے گا۔