واشنگٹن: سعودی عرب کے مقتول صحافی جمال خشوگی کی منگیتر نے سعودی ولی عہد اور دیگر عہدیداران کے خلاف امریکی عدالت میں مقدمہ کردیا۔ڈان اخبار میں شائع ہونے والی رپورٹ کے مطابق مقدمے میں استنبول میں 2 سال قبل ہونے والے صحافی کے سفاکانہ قتل پر نقصان کی بھرپائی کا مطالبہ کیا گیا ہے۔ترک شہری خدیجہ اور جمال خشوگی کے تشکیل دیے گئے انسانی حقوق کے گروہ ڈیموکریسی فار دا عرب ورلڈ ناؤ (ڈان)، نے 2 اکتوبر 2018 کو امریکی اخبار سے وابستہ صحافی کے قتل پر محمد بن سلمان اور دیگر 28 افراد کے خلاف قانونی چارہ جوئی کا آغاز کیا ہے۔خدیجہ نے جمال خشوگی کے قتل سے ذاتی چوٹ اور مالی نقصان کا دعویٰ کیا کہ جبکہ تنظیم نے کہا کہ اس کے افعال اور مقاصد بانی اور مرکزی شخصیت کے کھو جانے سے متاثر ہوئے۔دعوے میں کہا گیا کہ ’جمال خشوگی پر بے رحمانہ تشدد اور قتل نے ساری دنیا کے لوگوں کے ضمیر کو صدمے میں ڈال دیا‘۔