حیدرآباد 9 اگست (یو این آئی) تلنگانہ آر ٹی سی نے اعلان کیا کہ 11 اگسٹ تک خصوصی بسوں میں کرایوں میں 50 فیصد اضافہ کیا گیا ۔ حکام کا کہنا ہے کہ مسافروں کے ہجوم کے مطابق بسیں چلائی جا رہی ہیں، تاہم بعض اوقات مسافر نہ ہونے پر بسوں کو فوری واپس لانا پڑ رہا ہے ۔ انتظامی حرچ کو پورا کرنے صرف اسپیشل بسوں کے کرایے بڑھائے گئے ہیں۔ راکھی تہوار کے پیشِ نظر ریاست بھر کے آر ٹی سی بس ڈپوز اور اسٹانڈز پر مسافروں کا ہجوم دیکھا جا رہا ہے ۔ سکندرآباد جے بی ایس میں مسافر بسوں کے لیے انتظار کر رہے ہیں۔ آر ٹی سی کی جانب سے ’’راکھی اسپیشل‘‘ کے نام سے خصوصی بس سروسز چلائی جا رہی ہیں۔ ایکسپریس بسیں مسافروں سے کھچا کھچ بھری ہوئی ہیں جبکہ آندھرا پردیش جانے والی بسوں کے لیے بھی عوام لمبی قطاروں میں کھڑے نظر آ رہے ہیں۔
