ٹوکیو(جاپان) ۔ 11 اکٹوبر (سیاست ڈاٹ کام) جاپان کی تاریخ کا خطرناک ترین طوفان ہفتہ اور اتوار کے دن ٹوکیو سے ٹکرائے گا طوفان کی شدت کا اندازہ اس بات سے لگایا جاسکتا ہیکہ جاپان کے میٹرولوجیکل ایجنسی نے طوفان کو وائلنٹ قرار دیکر ریڈ الرٹ جاری کردیا ہے جسکے بعد حکومت اور عوام نے حد سے زیادہ احتیاطی تدابیر اختیار کرنا شروع کردی ہیں جبکہ جاپان کی حکومت نے ہفتہ اور اتوار کوابھی سے ریلوے سروسز اور ہوائی سروسز معطل کرنے کا اعلان بھی کردیا ہے۔سرکاری حکام نے طوفان کو خطرہ کے سب سے بڑے نشان نو کے برابر قرار دیا ہے اور عوام کو بھی بھرپور احتیاط کرنے کا سگنل جاری کیا ہے۔حکام کے مطابق پہلی دفعہ ایسا ہورہا ہیکہ جس رفتار سے طوفان ٹوکیو کی جانب بڑھ رہاہے اسی رفتار سے ٹوکیو اور اسکے اطراف کے علاقوں سے ٹکرانے کا امکان ہے۔