واشنگٹن، 20 نومبر (سیاست ڈاٹ کام) امریکہ کے صدر ڈونالڈ ٹرمپ نے ایران کے مبینہ سنگین خطرے کو مدنظر رکھتے ہوئے اور اس کے گردونواح کے علاقے میں سکیورٹی کو مستعد کرنے کے مقصد سے مغربی ایشیائی خطے میں اضافی سکیورٹی فورسز کی تعیناتی کی ہدایت دی ہے ۔مسٹر ٹرمپ نے منگل کے روز کانگریس پارٹی کو مکتوب لکھ کر کہا کہ ایران علاقے میں سلامتی کے لئے بڑا خطرہ ہے ۔ انہوں نے مکتوب میں سعودی عرب میں تیل تنصیبات پر ہوئے حملوں کا بھی ذکر کیا ۔ سعودی عرب میں بھیجے جانے والی اضافی فورسز میں ریڈار اور میزائل سسٹم ، ایک فضائی مہم ونگ اور دو جنگی ا سکوڈرن شامل ہیں ۔ اس ہدایت کے بعد اس علاقے میں امریکی مسلح افواج کی کل تعداد بڑھ کر 3000 ہو جائے گی ۔انہوں نے بتایا کہ اضافی سکیورٹی فورسز کا پہلا دستہ آ گیا ہے جبکہ بقیہ فورس آنے والے ہفتوں میں وہاں جائے گے ۔
