دبئی ۔7 جون (سیاست ڈاٹ کام) خلیجی ممالک میں گزشتہ چوبیس گھنٹوں کے دوران کورونا وائرس کے 7001 نئے معاملات سامنے آئے ہیں اور اس طرح مصدقہ معاملات کی تعداد دو لاکھ 58 ہزار 450 تک پہنچ گئی جن میں سے 1829 مریضوں کی حالت نازک ہے۔وائرس سے مرنے والوں کی کل تعداد 1303 ہوچکی ہے جبکہ وائرس سے شفا پانے والوں کی تعداد ایک لاکھ 62 ہزار 201 ہوگئی ہے۔الامارات الیوم کے مطابق امارات میں کورونا کے 624 نئے مصدقہ معاملات سامنے آئے۔جملہ تعداد 37642 ہوگئی۔ اب تک 20337 صحت یاب ہوئے جبکہ مرنے والوں کی تعداد 274 ریکارڈ کی جاچکی ہے۔اسکائی نیوز کے مطابق کویتی وزارت صحت نے اعلان کیا ہے کہ 723 نئے معاملات کی تصدیق ہوئی۔جملہ تعداد 30644 ہوگئی جبکہ 8 اموات ہوئی ہیں جس سے مرنے والوں کی تعداد 244 تک پہنچ گئی۔سبق ویب سائٹ کے مطابق قطر کی وزارت صحت نے کہا کہ 1754 نئے معاملات کی تصدیق ہوئی ہے چار اموات ہوئی ہے مرنے والوں کی تعداد 49 ہوگئی ہے۔ موجودہ معاملات کی جملہ تعداد 24511 ہوچکی ہے۔ 1467 صحت یاب ہوئے ہیں۔عراق میں پہلی بار ایک دن میں ایک ہزار سے زیادہ نئے کورونا کے مریض ریکارڈ پر آئے۔ عراقی وزارت صحت نے اعلان کیا کہ 1006 نئے مریض رپورٹ ہوئے اورجملہ تعداد 9846 ہوگئی۔ ان میں 285 وائرس سے ہلاک ہوچکے ہیں۔ مراکش میں کورونا کے نئے 70 مریض رپورٹ ہوئے جس سے تعداد 8030 ہوگئی۔شفا پانے والوں کی تعداد 20 ہوگئی جس کے بعد کل تعداد 7215 ہوگئی۔ اموات 208 اب تک ہوئی ہیں۔اردن میں کورونا وائرس کے 19 مریض رپورٹ ہونے کے بعد یہ تعداد 784 ہوگئی۔ متاثرین میں دس غیرملکی بھی شامل ہیں۔اردن میں ڈھائی ماہ بعد مساجد میں جمعہ کی نماز ادا کی گئی اور اس موقع پرکورونا وائرس سے بچاؤکیلیے تمام تدابیر اختیار کی گئیں۔ مصر میں جمعہ کی نمازمیں محدود شرکت رہی اور صرف جامع مسجد کے امام اور کارکن نماز میں شریک ہوئے۔سعودی خبررساں ادارے ایس پی اے کے مطابق الجزائر میں کورونا کے 104 نئے مریض ریکارڈ پر آئے جبکہ چوبیس گھنٹے کے دوران 9 اموات ہوئیں۔لبنان میں کورونا کے 6 نئے مریض رپورٹ ہوئے۔ ان میں سے تین باہر سے آنے والے لبنانی اور تین متاثرین سے ملنے والے غیرملکی ہیں۔ متاثرین کی کل تعداد 1312 ہوگئی۔ وائرس سے مرنے والوں کی تعداد 28 پر رکی ہوئی ہے- شفا پانے والوں کی کل تعداد 678 ہے۔فلسطین میں 106 نئے معاملات ریکارڈ پر آنے کے بعد تعداد 643 ہوگئی ہے جبکہ 523 صحت یاب ہوچکے ہیں۔
