ریاض ۔16مئی ( سیاست ڈاٹ کام) گزشتہ چوبیس گھنٹوں کے دوران خلیجی ممالک میں نئے کورونا وائرس کے 5992 نئے کیسز سامنے آئے- متاثرین کی کل تعداد 118610 تک پہنچ گئی- ان میں سے 441 کی حالت نازک ہے جبکہ وائرس سے مرنے والوں کی تعداد 621 تک پہنچ گئی- کورونا وائرس کے 36311 مریض شفا یاب ہوگئے-الامارات الیوم کے مطابق امارات میں جمعرات کو نئے مصدقہ کیس 698 ریکارڈ کئے گئے۔ متاثرین کی کل تعداد 21084 ہوگئی۔ ان میں سے 6930 صحت یاب ہوچکے ہیں جبکہ 208 وائرس سے ہلاک ہوچکے ہیں۔ ایک کی حالت نازک ہے۔سکائی نیوز کے مطابق قطر کی وزارت صحت نے بتایا کہ ملک میں چوبیس گھنٹے کے دوران کورونا کے نئے 1733 نئے کیسز ریکارڈ پر آئے ہیں۔عمانی وزارت صحت نے بتایاکہ 322 نئے مریض رپورٹ ہوئے ہیں مجموعی تعداد 4341 ہوگئی ہے-کویتی وزارت صحت نے اعلان کیا ہے کہ کورونا سے 188 افراد شفا یاب ہوگئے جس کے بعد صحت پانے والوں کی تعداد 3451 ہوگئی۔ سوڈانی وزارت صحت نے بتایا کہ کورونا کے 157 نئے مریض ریکارڈ پر آئے ہیں 10 وائرس سے ہلاک ہوگئے ہیں۔ متاثرین کی کل تعداد 1818 ہوگئی ہے جبکہ مرنے والوں کی کل تعداد 90 تک پہنچ گئی ہے اور صحت مند افراد کی تعداد 198 ہوگئی ہے۔فلسطینی وزارت خارجہ نے بتایا ہے کہ جمعرات کو 79 افراد وائرس سے ہلاک ہوگئے۔ دنیا کے مختلف ممالک میں 682 فلسطینی شفا یاب ہوگئے اور متاثرین کی کل تعداد 1462 ہوگئی۔مراکش کی وزارت صحت نے بتایا کہ گزشتہ 24 گھنٹوں کے دوران 95 نئے کیس رپورٹ ہوئے۔ متاثرین کی کل تعداد 6607 ہوگئی۔ مصری وزارت صحت نے بتایا کہ ملک میں کورونا وائرس سے کل متاثرین کی تعداد 10829 اور اموات کی تعداد 571 ہوگئی۔ اردن میں کورونا کے چار نئے مریض ریکارڈ پر آئے ہیں کل تعداد 587 ہوگئی ہے-اردن میں کووڈ 19 میں مبتلا افراد کی تعداد587 تک پہنچ گئی ۔الجزائر کی وزارت صحت نے 189 نئے کیسز اور 7 افراد کی ہلاکت کا اعلان کیا ہے۔لبنانی وزارت صحت نے بتایا کہ کورونا سے 8 نئے افراد متاثر ہوئے ہیں۔ متاثرین کی کل تعداد 886 ہوگئی ہے۔
