حیدرآباد۔20۔نومبر(سیاست نیوز) خلیج بنگال میں طوفان ’سینیار‘ کے نتیجہ میں آئندہ ہفتہ مختلف اضلاع و دونوں شہروں میں بارشوں کا امکان ہے۔ تلنگانہ میں شدید سردی کی لہر میں کچھ راحت کے ساتھ ہی دوبارہ بیشتر اضلاع کو طوفان کی بارشوں کا سامنا کرنا پڑسکتا ہے۔ ماہرین کی پیش قیاسی کے مطابق مختلف اضلاع بشمول شہرحیدرآباد و ملکا جگری میڑچل کے ساتھ رنگاریڈی کے مختلف علاقوں میں 26تا28 نومبر بارشوں کا امکان ہے ۔ بتایا گیا کہ طوفان ‘سینیار‘ کے آندھراپردیش کے ساحل سے ٹکرانے سے قبل ہی تلنگانہ میں بارشوں کا سلسلہ شروع ہوسکتا جاتا ہے۔ ماہرین کے مطابق دونوں شہروں میں آئندہ ہفتہ سردی کی لہر کا سلسلہ جاری رہے گا لیکن کسی قدر درجہ حرارت میں اضافہ کے ساتھ دن میں گرمی کی شدت میں معمولی اضافہ ہوگا جبکہ رات میں سردی کی لہر جاری رہنے کی پیش قیاسی کی جارہی ہے ۔3
