نئی دہلی۔ 10 مئی (یو این آئی) مرکزی حکومت کی آیوشمان بھارت اور دیگر صحت اسکیموں اور بیٹی بچاؤ بیٹی پڑھاؤ مہم کی وجہ سے زچگی کی شرح اموات اور نوزائیدہ بچوں کی اموات کی شرح عالمی اوسط سے بہتر ہوگئی ہے اور سال 2021 تک ملک میں جنسی تناسب 899 سے بڑھ کر 913 تک پہنچ گیا ہے ۔ رجسٹرار جنرل آف انڈیا (آر جی آئی) کی سیمپل رجسٹریشن سسٹم (ایس آر ایس) رپورٹ 2021 کے مطابق ہندوستان میں ماں اور بچے کی صحت کے اہم اشارے نمایاں طور پر بہتر ہو رہے ہیں۔
