حیدرآباد۔ مجبور خواتین کا استحصال کرتے ہوئے جبراً جسم فروشی میں ملوث کرنے والے دو افراد بشمول ایک خاتون کے خلاف پی ڈی ایکٹ نافذ کردیا گیا۔ کمشنر پولیس راچہ کنڈہ مسٹر مہیش بھگوت نے آج اس سلسلہ میں احکامات جاری کردیئے۔ پویس چیتنیہ پوری کے مطابق اے شیام اور آر سندھیہ کے خلاف پی ڈی ایکٹ نافذ کردیا گیا ہے۔ پولیس نے 6 مارچ کو ایک کارروائی کے دوران انہیں گرفتار کیا تھا اور 4 لڑکیوں کو ان کے چنگل سے آزاد کروایا تھا۔ پولیس نے بتایا کہ جوان لڑکیوں کو جو غربت کا شکار ہیں، خواتین تنہا اکیلی رہنے والی خواتین اور مجبور خواتین و لڑکیوں کو یہ لوگ اپنے جال میں پھانسا کرتے تھے اور انہیں جبراً جسم فروشی پر مجبور کیا جاتا تھا۔ ان کے چنگل سے آزاد لڑکیوں کا تعلق مغربی بنگال، مہاراشٹرا اور آندھرا پردیش ریاستوں سے بتایا گیا ہے۔ نوجوان لڑکیوں اور خواتین کی نیم عریاں تصاویر کو ویب سائیٹ پر پیش کرتے ہوئے فون نمبرات دیا کرتے تھے۔ پولیس نے انہیں گرفتار کیا تھا اور آـ پی ڈی ایکٹ نافذ کردیا۔
