پشاور: 20 اگست (یو این آئی) صوبہ خیبرپختونخوا کے ضلع صوابی کے علاقے گدون آمازئی کے گاؤں دالوڑی بالا میں کلاؤڈ برسٹ، لینڈ سلائیڈنگ اور پہاڑ سے بھاری پتھروں سے گرنے والے مکانات سے اب تک29 لاشیں برآمد ہوئی ہے ۔ریسکیو کے مطابق جاں بحق ہونے والوں میں مشہور نیزہ باز سعودی پلٹ نوجوان انور زیب اور ان کے خاندان کے 13 افراد بھی شامل ہیں۔متوفی انور زیب کی کل جمعرات کی فلائٹ سے سعودی عرب واپسی تھی، کلاؤڈ برسٹ میں انورزیب کی بیوی اور دوبچے بھی جان بحق ہوئے ۔ریسکیو کے مطابق دالوڑی بالا میں 25اور سرکوئی پایاں میں 4 لاشیں نکالی جاچکی ہیں جبکہ دیگر 40 لاپتہ افراد کی تلاش جاری ہے ۔کرنل شیر خان کلے میں سیلابی ریلے میں بہہ کر جاں بحق نوجوان طلحہٰ کی لاش بھی برآمد کر لی۔
