پشاور26جولائی (یو این آئی) پاکستان کے محکمہ انسداد دہشت گردی (سی ٹی ڈی) سوات نے بریکوٹ میں فتنہ الخوارج (تحریک طالبان پاکستان) کے 3 مطلوب دہشت گردوں کو ہلاک کر دیا گیا۔سی ٹی ڈی نے فتنہ الخوارج کے 3 اہم کارندے ہلاک کردیے ، سی ٹی ڈی سوات کے کامیاب آپریشن میں اجمل عرف وقاص سمیت 3 دہشت گرد جہنم واصل ہوئے ۔سی ٹی ڈی نے اپنے بیان میں کہا کہ مارے جانے والے دہشت گرد سیکیورٹی فورسز پر حملوں، پولیس اہلکاروں کی شہادتوں میں ملوث تھے ، بیرونی فنڈنگ سے دہشت گردی پھیلانے والا نیٹ ورک تباہ، دہشت گرد آئی ای ڈی حملوں اور بھتہ خوری کے مقدمات میں بھی مطلوب تھے ۔