نئی دہلی ۔22؍نومبر ( ایجنسیز ) ہندوستانی گودی میڈیا نے ایک مرتبہ پھر ہندوستان کی نااہلی چھپانے کیلئے تیجس طیارہ حادثہ کی ذمہ داری امریکی انجن پر ڈال دی ہے۔جنرل (ر) بخشی اور ارنب گوسوامی طیارہ حادثہ کی ذمہ داری امریکی انجن پر ڈال کر ہندوستان کی دفاعی کمزوری چھپانے کی کوشش میں ہیں۔ارنب گوسوامی نے کہا کہ امریکہ کی جانب سے GE 404 انجن کی تاخیر سے فراہمی نے ہندوستان کی دفاعی تیاری میں خطرناک خلا پیدا کر دیا۔ تیجس امریکی جنرل الیکٹرک کے بنائے ہوئے انجن سے چلتا ہے اور جنرل الیکٹرک ہندوستان کا کبھی دوست نہیں رہا۔ارنب گوسوامی نے کہا کہ امریکی حکومت نے تیجس کیلئے اگلی نسل کے انجنوں کی ڈلیوری سست کرنے کی کوشش کی کیونکہ امریکہ ایل سی اے پروگرام اور تیجس کو ایک خطرہ سمجھتا ہے۔جنرل بخشی نے کہا کہ آپ نہیں جانتے کہ کب سندور 2.0 دوبارہ بھڑک اٹھے، جی ای 404 انجن ہمیں دو سال پہلے مل جانا چاہیے تھا اس کیلئے ہم نے ایک ارب ڈالر نقد ادا کیے ہیں۔ ابھی تک ہمیں صرف دو انجن ملے ہیں۔حکومت ہند اور اس کا گودی میڈیا اپنی ان حرکات کی وجہ سے نا صرف جگہ ہنسائی کا سبب بنتے ہیں بلکہ ہندوستانی عوام کو بھی اصلی مسائل کی طرف سے ہٹاتے ہیں۔ طیارہ حادثہ ہندوستانی دفاعی صنعت کی ناکامی کا واضح عکاس ہے۔
یہاں یہ تذکرہ بیجا نہ ہوگا کہ کل دبئی میں ائیر شو کے دوران طیارے حادثہ میں ایک ہندوستانی پائلیٹ ہلاک ہوگیا۔