جام نگر:گجرات میں جام نگر کے اے ڈیویژن علاقے میں بدھ کے روز لڑکا اور لڑکی کی لاشیں ایک درخت سے لٹکتی پائی گئیں۔ پولیس نے آج یہاں بتایا کہ مقامی افراد نے رائل اسکول کے قریب ندی کے کنارے ایک درخت سے دو لاشوں کے پھانسی کے پھندے سے لٹکتے ہوئے پائے جانے کی اطلاع دی۔ لاشوں کو اتار کر پوسٹ مارٹم کے لیے بھیج دیا گیا۔ ان کی شناخت جام نگر کے باشندے انل دھولیا (21) اور کمابین گو بھوریا (20) کے طور پر ہوئی ہے ۔ وہ ماما اور بوا کے بچے تھے اور مزدوری کرتے تھے ۔ اندیشہ ظاہر کیا جا رہا ہے کہ محبت کی وجہ سے دونوں نے یہ انتہائی اقدام کیا ہوگا۔
